Ըստ իրանական «ԻՐՆԱ» գործակալության՝ Առողջապահության համաշխարհային կազմակերպությունը (ԱՀԿ) դեմ չէ Իրանում ստեղծված կորոնավիրուսի պատվաստանյութի կիրառմանը։
Դրա մասին հայտարարել է Իրանի դեղորայքի եւ սննդամթերքի արտադրությունը վերահսկող կազմակերպության ղեկավար Մոհամադ Ռեզա Շանեսազը, հավելելով, որ Իրանի առողջապահության նախարարության սննդամթերքի ու դեղորայքի որակի սանիտարական վերահսկման վարչությունն՝ իբրեւ բարձրագույն գիտական մարմին, ԱՀԿ-ից պատվաստանյութերի թողարկման թույլտվությունը ստացել է դեռ տասը տարի առաջ:
Շանեսազն ասել է, որ եթե Իրանը հավանություն տա պատվաստանյութին, կնշանակի, որ ԱՀԿ-ն դա արտոնում է նաեւ այլ երկրներում: «Հետեւաբար, հայտարարությունները, թե իրանական կազմակերպությունը չի կարող միջոցներ ձեռնարկել այդ ուղղությամբ, տեղին չեն»։