Եվրոպական Ժողովրդական կուսակցության պաշտոնական կայքը հայտնում է, որ ԵԺԿ Քաղաքական վեհաժողովի անդամներն Ադրբեջանին կոչ են արել անհապաղ ազատ արձակել Լեռնային Ղարաբաղի (Արցախի) պատերազմի հետեւանքով գերեվարված զինվորականներին ու քաղաքացիական անձանց, ձեռնարկել աճյունների փոխանակումը։
«Քաղաքական համաժողովի անդամները Եվրոպական հանձնաժողովին հորդորում են Ադրբեջանի հետ ներկա ու հետագա հարաբերություններում առաջ մղել այս մարդասիրական խնդիրը, ինչպես նաեւ Եվրախորհրդարանին կոչ են անում հրատապ կերպով քննարկել Լեռնային Ղարաբաղի պատերազմի ռազմագերիների ու պատանդների փոխանակման գործընթացը»,- ասվում է ԵԺԿ Քաղաքական վեհաժողովի հայտարարության մեջ: