ԱՄՆ պետքարտուղար Էնթոնի Բլինքենը, Twitter-ի իր էջում ողջունելով մայիսի 4-ին Ադրբեջանի կողմից երեք հայ ռազմագերիների ազատ արձակումը, կողմերին հորդորել է «ամբողջությամբ եւ անհապաղ կերպով ավարտել պահվող բոլոր անձանց փոխանակման գործընթացը եւ հարգել գերիների նկատմամբ մարդասիրական վերաբերմունքն ապահովելու իրենց պարտավորությունները»:
Հիշեցնենք, որ Հայաստանի Հանրապետությունը, հավատարիմ լինելով գերիների եւ պահվող այլ անձանց փոխանակման «Բոլորը՝ բոլորի դիմաց» սկզբունքին, Ադրբեջանին է վերադարձրել բոլոր ռազմագերիներին եւ պահվող այլ անձանց: Մինչդեռ Ադրբեջանը հրաժարվում է իրականացնել Հայաստանի, Ռուսաստանի եւ Ադրբեջանի ղեկավարների՝ 2020 թվականի նոյեմբերի 10-ի հայտարարության 8-րդ կետը՝ գերիների վերադարձը: