Հայաստանի օլիմպիական թիմը համալրվել է եւս մեկ մարզիկով: Հրաձիգ Էլմիրա Կարապետյանը Տոկիոյի Օլիմպիական խաղերի ուղեգիր է նվաճել:
Հայաստանը մինչեւ այս պահն ունի 10 օլիմպիական ուղեգիր, որոնք նվաճել են մարմնամարզիկ Արթուր Դավթյանը, հունահռոմեական ոճի ըմբիշներ Արթուր Ալեքսանյանը, Կարապետ Չալյանը, Արմեն Մելիքյանը, Կարեն Ասլանյանը, ազատ ոճային ըմբիշներ Արսեն Հարությունյանը, Վազգեն Թեւանյանը, բռնցքամարտիկներ Կորյուն Սողոմոնյանը, Արման Դարչինյանը, եռացատկորդ Լեւոն Աղասյանը:
Տոկիոյի 32-րդ ամառային Օլիմպիական խաղերը հետաձգվեցին 2020-ի մարտի 24-ին: Օլիմպիական խաղերը կպահպանեն իրենց անվանումը` Տոկիո-2020: 32-րդ ամառային Օլիմպիադան կմեկնարկի 2021-ի հուլիսի 23-ին, կավարտվի օգոստոսի 8-ին: