Fox News հեռուստաալիքի՝ 1002 քաղաքացու շրջանում հեռախոսով անցկացրած չորսօրյա հարցման արդյունքները ցույց են տվել, որ ԱՄՆ քաղաքացիների 64 %-ի կարծիքով 2001-ի սեպտեմբերի 11-ի ահաբեկչական գործողությունները արմատապես փոխել են կյանքը երկրում:
Հարցման մասնակիցների 24 %-ը համարում է, որ 20-ամյա վաղեմության ողբերգական իրադարձությունները սոսկ ժամանակավորապես են անդրադարձել իրենց կենսակերպին: Հարցվածների 9 %-ը էական փոփոխություն չի նկատել իր կյանքում:
Սեպտեմբերի 11-ը համազգային ոչ աշխատանքային օր հայտարարելու նպատակահարմարության մասին հարցին ամերիկացիների 47 %-ը պատասխանել է՝ «այո», 46 տոկոսը՝ «ոչ»: Հետազոտության արդյունքների անճշտությունը կազմել է մոտ 3 տոկոս: