Մայիսի 27-29-ը Երեւանում առաջին անգամ կանցկացվի «EVN Report մեդիա փառատոն»-ը, որը կհամախմբի տեղական եւ միջազգային լրատվամիջոցների ներկայացուցիչներին` ընդգծելու հավաքական հիշողության եւ փորձառությունների արձանագրման գործում լրագրողների առանցքային դերը։
EVN Report առցանց վերլուծական, լրատվական հարթակի նախաձեռնած փառատոնը ներառում է պանելային քննարկումներ, անձնական զրույցներ, աշխատարաններ, պորտֆոլիոների խորհրդատվություններ, ցուցահանդեսներ եւ ֆիլմերի ցուցադրություններ, որոնք ընդգրկում են մի շարք թեմաներ՝ պատերազմից մինչեւ քաղաքականություն:
Եռօրյա ոգեշնչող զրույցների եւ միջոցառումների ընթացքում մասնակիցները հնարավորություն կունենան շփվելու լրագրողների, խմբագիրների, գրողների, մտածողների հետ, վերարժեւորելու հավաստի եւ վստահելի նորությունների ու տեղեկատվության կարեւորությունը:
Փառատոնը կանցկացվի ՀայԱրտ մշակութային կենտրոնում՝ Մաշտոցի պողոտա 7ա:
Միջոցառումներին մասնակցելու համար հարկավոր է նախնական գրանցում:
Միջոցառումները բաց են լուսաբանման համար։
Փառատոնի մանրամասներին կարող եք ծանոթանալ կայքում:
Հարցերի դեպքում զանգահարել 099-521404 հեռախոսահամարով։
EVN Report-ի մասին
EVN Report-ը անկախ, շահույթ չհետապնդող առցանց հարթակ է, որն առաջարկում է քաղաքականության, տնտեսության, մշակույթի, տեխնոլոգիաների եւ նորարարության, արվեստի եւ այլ բնագավառներին վերաբերող հոդվածներ, վերլուծություններ, մեկնաբանություններ, ինչպես նաեւ փոդքասթներ եւ մուլտիմեդիա պատմություններ։
EVN Report-ի նպատակը եւ ռազմավարական առաջնահերթությունն է հարթակ տրամադրել քննադատական պատմույթի եւ նոր խոսքի համար, հասկանալ հայ հանրությունը ձեւավորող տարրերն ու գործոնները եւ լինել հանրային դիսկուրսը խթանող:
#evnmediafest