«Թուրքիայի նորարարությունների շաբաթվա» մրցանակաբաշխության արարողության իր ելույթում Թուրքիայի նախագահ Ռեջեփ Թայիփ Էրդողանը հայտարարել է, որ երկրի ռազմաարդյունաբերական նախագծերի բյուջեն այս տարի հատել է 75 միլիարդ դոլարի սահմանը։ Այս թիվն, ըստ Էրդողանի, իրենց՝ իշխանության գալու սկզբնական շրջանում եղել է ընդամենը 5.5 միլիարդ։
«Պաշտպանական արդյունաբերության ոլորտում մենք արդեն հասել ենք չեմպիոնների լիգային։ Արտահանման տեսանկյունից այն դարձել է մեր երկրի լոկոմոտիվ ոլորտներից մեկը։ Այս պահին ունենք պաշտպանական արդյունաբերությամբ զբաղվող ավելի քան 1600 ընկերություն, որոնք նախկին 62-ի փոխարեն այսօր ունեն ավելի քան 757 մշակվող նախագիծ»,- մեջբերում է Sabah պարբերականը։
Էրդողանը հավելել է նաեւ, որ 2023 թվականին շարունակելու են սեւծովյան գազի պաշարները ներգրավել Թուրքիայի ազգային համակարգի մեջ, իսկ բենզինի արտադրության ծավալները հասցնել օրական 100 հազար բարելի։