Եվրամիության արտաքին քաղաքականության հարցերով բարձրագույն հանձնակատար Ժոզեպ Բորելը հայտարարել է, որ Բրյուսելը չի երկարաձգի Հայաստանում Եվրամիության դիտորդական առաքելության մանդատի ժամկետը, որն ավարտվում է հաջորդ շաբաթ: Նման որոշում է ընդունվել Եվրամիության անդամ երկրների արտգործնախարարների` դեկտեմբերի 12-ին Բրյուսելում տեղի ունեցած նիստին։
Բորելն առաքելության ժամկետը չերկարաձգելու հիմքերը չի նշել, միայն ասել է, որ ըստ Հայաստանի եւ Ադրբեջանի հետ պայմանավորվածության` առաքելությունն իր գործունեությունը կավարտի դեկտեմբերի 19-ին։ Եվրամիության դիվանագիտության ղեկավարն առաքելության աշխատանքն արդյունավետ է գնահատել։
ԵՄ հանձնակատարը հավելել է, որ հանուն Հայաստանի եւ Ադրբեջանի միջեւ երկխոսության միջնորդի ԵՄ հեղինակության պահպանման՝ Հայաստան կուղարկվի խումբ՝ ծրագրի հնարավոր քաղաքացիական առաքելության գործուղման համար, եթե հաջորդ տարի նման համաձայնություն ձեռք բերվի։