Global Firepower փորձագիտական ընկերությունը հրապարակել է 2023 թվականի ամենահզոր բանակների ցանկը: https://www.globalfirepower.com կայքը նշում է, որ հաշվի է առնվել աշխարհի բանակների մոտ 60 գործոն՝ սկսած զորամասերի քանակից եւ ֆինանսական վիճակից մինչեւ նյութատեխնիկական հնարավորությունները եւ աշխարհագրությունը:
Ամենահզորը համարվում է ԱՄՆ բանակը, երկրորդ տեղում Ռուսաստանն է: Ադրբեջանը 145 երկրների շարքում 57-րդն է: Հայաստանը 94-րդ տեղում «հարեւանություն» է անում Լատվիայի ու Լիտվայի հետ: Հայաստանից պակաս հզոր բանակներ ունեն Զիմբաբվեն, Մոնղոլիան, Մալին եւ նույնիսկ Աֆղանստանը, որը 114-րդ տեղում է: