Instagram-ում ծրագրային սխալ է հայտնաբերվել, որը կարող է խանգարել Stories բաժնում տեսանյութեր ձայնագրելուն: Ֆունկցիայի սխալ աշխատանքի պատճառով Stories ձայնագրելու փորձի ժամանակ տեսանյութի մասշտաբը չափազանց շատ է մեծանում, մինչդեռ սովորաբար պատկերը մեծացնելու կամ փոքրացնելու համար անհրաժեշտ է մատը էկրանի վրա սահեցնել նկարի լայնքով կամ երկայնքով։
Ընդ որում՝ վերոնշյալ ծրագրային սխալն առկա է iPhone-ի համար նախատեսված Instagram հավելվածի վերջին տարբերակում: Այսինքն՝ այս խնդիրը երևում է միայն iPhone-ի մի քանի մոդելներում, որոնք աշխատում են iOS 16 և iOS 17 բետա տարբերակներով:
Meta-ն, ամենայն հավանականությամբ, առաջիկայում կթողարկի հավելվածի թարմացված տարբերակը, որում այս սխալն ուղղված կլինի։