ՀՀ-ն կներառվի՞ ռազմական օգնության կարիք ունեցող երկրների շարքում

Մի խումբ սենատորներ առաջարկել են ռազմական օգնություն տրամադրել Հայաստանին ղարաբաղյան հակամարտության հարցում եւ միջոցներ ձեռնարկել Ադրբեջանի դեմ։ Սենատորները, մասնավորապես, առաջարկել են Հայաստանը ներառել այն երկրների ցանկում, որոնց ԱՄՆ-ը կարող է ռազմական օգնություն ցուցաբերել։

Սեպտեմբերի 21-ին ԱՄՆ Սենատի կայքում հրապարակված օրինագիծն առաջարկում է մշակել «Լեռնային Ղարաբաղի ժողովրդի անվտանգությունն ապահովելու ռազմավարություն», ինչպես նաեւ թույլատրել Հայաստանին ռազմական ֆինանսավորում ԱՄՆ-ից։ Փաստաթուղթը հեղինակել են հինգ սենատորներ, որոնցից չորսը ներկայացնում են Դեմոկրատական ​​կուսակցությունը, մեկը՝ հանրապետականը: