Վրացական ընդդիմության ընդհանուր վարկանիշը գերազանցում է «Վրացական երազանք»-ի վարկանիշին․ exit poll

Վրաստանում անկախ հարցումների նախնական հաշվարկով` ընդդիմության ընդհանուր վարկանիշը գերազանցում է իշխող «Վրացական երազանք» կուսակցության վարկանիշին: Իսկ ահա իշխանամետ «Իմեդի» հեռուստաընկերության անցկացրած հարցումի համաձայն՝ իշխող «Վրացական երազանք»-ը մնալու է իշխանության ղեկին եւս չորս տարի:

Ընդդիմադիր «Մթավարի արխի»-ի պատվերով Harrys X-ի անցկացրած հարցումների տվյալներն այսպիսին են.

1. «Վրացական երազանք»՝ 42 տոկոս,
2. «Կոալիցիա փոփոխությունների համար»՝ 18 տոկոս,
3. «Միասնություն-Ազգային շարժում»՝ 13 տոկոս,
4. «Ուժեղ Վրաստան»՝ 9 տոկոս
5. «Վրաստանի համար»՝ 8 տոկոս:

Ընդդիմադիր Formula հեռուստաընկերության պատվերով Edison Research-ի հետազոտության տվյալներն են.

• «Վրացական երազանք»՝ 40,9 տոկոս,
• «Միասնություն-Ազգային շարժում»՝ 16,7 տոկոս,
• «Կոալիցիա փոփոխությունների համար»՝ 16,7 տոկոս,
• «Ուժեղ Վրաստան»՝ 10,3 տոկոս,
• «Վրաստանի համար»՝ 8,2 տոկոս,
• «Գիրչի»՝ 2,3 տոկոս:

Իշխանամետ «Իմեդի» հեռուստաընկերության համար հարցում է անցկացրել Gorbi-ն, որի տվյալներն են.

• «Վրացական երազանք»՝ 56,1 տոկոս,
• «Միասնություն-Ազգային շարժում»՝ 11,6 տոկոս,
• «Կոալիցիա փոփոխությունների համար»՝ 12,6 տոկոս,
• «Ուժեղ Վրաստան»՝ 7 տոկոս,
• «Վրաստանի համար»՝ 4,8 տոկոս,
• «Գիրչի»՝ 3 տոկոս:

Նախագահ Սալոմե Զուրաբիշվիլին էլ X-ի էջում գրել է, որ «Եվրոպական Վրաստանը» հաղթում է 52%-ով

«Եվրոպական Վրաստանը 52 տոկոսով հաղթում է՝ նույնիսկ չհաշված ընտրությունները կեղծելու փորձերի եւ սփյուռքի ձայները։ Վրաստանը ցույց է տվել ժողովրդավարություն, եվրոպականություն եւ հասունություն… Ես հպարտ եմ եւ վստահ մեր եվրոպական ապագայի վրա»,- գրում է Զուրաբիշվիլին։

ԱԼԻՔ ՄԵԴԻԱ ՎՐԱՍՏԱՆ