Վլադիմիր Պուտինի հրամանով Վոլգոգրադի «Գումրակ» օդանավակայանը վերանվանվել է «Ստալինգրադ»։ Այս մասին հաղորդում է Կրեմլի մամուլի ծառայությունը։
Վերանվանման առաջարկով Պուտինին դիմել էր Վոլգոգրադի մարզպետ Անդրեյ Բոչարովը։ Կրեմլում նշել են, որ նրանք հանդիպել էին ապրիլի 29-ին՝ մարզ կատարած Պուտինի աշխատանքային այցի ավարտին։
Բոչարովը նշել է, որ իրեն «շատ հաճախ դիմում են Վոլգոգրադի մարզի, Վոլգոգրադ քաղաքի եւ այլ շրջանների բնակիչները»՝ խնդրելով օդանավակայանին տալ «իրական, հպարտություն , քաջության եւ հերոսության ներշնչող «Ստալինգրադ» անվանումը»։ Նրա խոսքով, նման խնդրանքով դիմողների թվում են եղել նաեւ «հատուկ ռազմական գործողության վետերաններն ու մասնակիցները»։
«Նրանց խոսքը ինձ համար օրենք է։ Այդպես էլ կանենք։ Երբ վերադառնամ Մոսկվա, անմիջապես կպատրաստվի եւ կստորագրվի համապատասխան հրամանագիրը՝ օդանավակայանին «Ստալինգրադ» անվանումը տալու մասին», — պատասխանել է Պուտինը մարզպետին։