Մայք Ուոլցը հեռացել է ԱՄՆ նախագահ Դոնալդ Թրամփի ազգային անվտանգության հարցերով խորհրդականի պաշտոնից, հաղորդում է Fox News հեռուստաալիքը։
Ըստ Politico պարբերականի աղբյուրների Այդ պաշտոնում Ուոլցին կարող է փոխարինել նախագահի հատուկ բանագնաց Սթիվ Ուիթքոֆը։
Ուոլցի հետ միասին աշխատանքից ազատվել է նաեւ նրա տեղակալ Ալեքս Վոնգը, հաղորդում է Fox News-ը՝ հղում կատարելով իր աղբյուրներին։
Պաշտոնապես այս ազատումների մասին հայտարարված չէ։
«Մենք չենք արձագանքում անանուն աղբյուրների հաղորդումներին», — ասել Սպիտակ տան մամլո քարտուղար Քերոլայն Լեւիթը՝ պատասխանելով հեռուստալիքից ուղղված մեկնաբանության խնդրանքին։
Fox News-ի փոխանցմամբ ակնկալվում է, որ նախագահ Թրամփը հրապարակային մեկնաբանություն կանի այս ազատումների կապակցությամբ։
Ինչպես գրում է Politico-ն, Ուոլցը կորցրել էր Սպիտակ տան այլ ներկայացուցիչների վստահությունը։ Մարտ ամսին նա պատահմամբ Signal նամակագրային չաթի գաղտնի խմբային զրույցին միացրել էր The Atlantic թերթի գլխավոր խմբագրին։ Այդ զրույցում քննարկվել էր Եմենի «Անսար Ալլահ» շարժման դեմ ուղղված ռազմական գործողությունները։