2009 թվականի ապրիլին հիմնադրված Սպառողական գների, առողջապահության որակի եւ այլ վիճակագրության համաշխարհային առցանց տվյալների բազան՝ Numbeo-ն, կազմել է 107 երկրների վարկանիշային տվյալները՝ ըստ 500- գրամանոց սպիտակ հացի գների:
Ըստ «Ալիք Մեդիա Վրաստան»-ի՝ Numbeo-ի վարկանիշային ցուցակում, որտեղ Վրաստանը ներկայացված է 0,65 դոլար հացի գնով, 2023-ի փետրվարի դրությամբ, ըստ աշխարհում հացի ամենացածր գնի, Վրաստանը 107 երկրների շարքում զբաղեցնում է 25-րդ տեղը։ Հայաստանը 500 գ սպիտակ հացի գնով մեկ հորիզոնականով զիջում է Վրաստանին 26-րդ տեղում՝ 0,66 դոլար գնով։ Վրաստանից առաջ են Ռուսաստանը (21-րդ տեղում է)՝ 0,61 դոլարով, Թուրքիան (11-րդ տեղում է)՝ 0,43 դոլարով, եւ Ադրբեջանը (6-րդ տեղում է)՝ 0,39 դոլարով։ Ուկրաինայում, Ռուսաստանի համեմատ, հացը մի քիչ ավելի էժան է եւ արժե 0,58 դոլար, ինչը նշանակում է, որ այդ երկիրը մեկ դիրքով գերազանցում է Ռուսաստանին:
Աշխարհում կես կիլոգրամ հացի ամենացածր գինը գրանցվել է Թունիսում` 0,14 դոլար։ Հաջորդը Ալժիրն է՝ 0,16 դոլարով, եւ Լիբիան՝ 0,34 դոլարով։ Առաջին հնգյակում Կենտրոնական Ասիայի հետխորհրդային երկրներն են՝ Ուզբեկստանն ու Ղազախստանը, որտեղ 500 գ սպիտակ հացն արժե 0,37 դոլար։ Շվեյցարիան վարկանիշային ցուցակում 106-րդ տեղում է՝ 3,20 դոլարով։ Ցուցակի վերջին հնգյակում են նաեւ Իսլանդիան՝ 2,96 դոլարով, Նորվեգիան՝ 2,87 դոլարով, եւ Դանիան` 2,84 դոլարով: Վերջին՝ 107-րդը տեղը զբաղեցնում է Միացյալ Նահանգները. ԱՄՆ-ում հացն ավելի թանկ է, քան պանիրը եւ արժե 3,26 դոլար։