Արցախում կորած համարվող 35-ամյա տղամարդը հայտնաբերվել է։
«Ձեռնարկված օպերատիվ հետախուզական միջոցառումների արդյունքում օգոստոսի 22-ին՝ ժամը 08:30-ի սահմաններում, վերջինս հայտնաբերվել է Մարտակերտ քաղաքի Սախարով փողոցի բնակելի շենքի տներից մեկում` ողջ ու առողջ վիճակում»,–ասված է Արցախի ՆԳՆ մամուլի հաղորդագրության մեջ։
Նախօրեին Արցախի ներքին գործերի նախարարությունից հայտնել էին, որ Մարտակերտ քաղաքի բնակիչ Ն.Մ.-ն կորած անասուններին փնտրելու նպատակով դուրս է եկել Մարտակերտ քաղաքի հարակից տարածքներ։