Երեւանի քաղաքապետարանից հայտնում են, որ Երեւանի ավագանու նստավայրում այսօր՝ հոկտեմբերի 10-ին՝ 10:00-ին, «Երեւան քաղաքում տեղական ինքնակառավարման մասին» օրենքի 16-րդ հոդվածի համապատասխան տեղի կունենա Երեւանի նորընտիր ավագանու առաջին նիստը:
Օրակարգում Երեւանի քաղաքապետի ընտրության, հանձնաժողովների նախագահների եւ նրանց տեղակալների առաջադրման եւ ավագանու հերթական նիստի գումարման օրվա սահմանման հարցերն են։
Հայկ Մարությանը («Ազգային առաջընթաց») եւ Անդրանիկ Թեւանյանը («Մայր Հայաստան») նախօրեին հայտարարել էին, որ իրենց խմբակցությունները չեն մասնակցի հոկտեմբերի 10-ին անցկացվելիք Երեւանի ավագանու առաջին նիստին եւ քաղաքապետի ընտրությանը։