ՅՈՒՆԻՍԵՖ–ը ահազանգել է Արցախից բռնի տեղահանված երեխաների հոգեվիճակի ու ապրումների մասին: ՄԱԿ-ի մանկական հիմնադրամը զգուշացրել է, որ ռազմական գործողությունների պատճառով իրենց տներից փախած ավելի քան 30 հազար երեխայի հոգեկան առողջությունը կարող է վատթարանալ, եթե նրանք մնան առանց անհապաղ աջակցության:
ՅՈՒՆԻՍԵՖ-ից նշել են, որ այս երեխաները շարունակաբար բաց են թողել դասերը եւ ապրել են վտանգավոր, ոչ ապահով միջավայրում, եւ ինչպես պատմում են ընտանիքները` նոր հարձակումների վախի պարբերական զգացումով:
Հոգեկան առողջության համաշխարհային օրվա առիթով ՅՈՒՆԻՍԵՖ–ը բոլոր երկրներին կոչ է անում ներդրումներ կատարել հոգեկան առողջության եւ երեխաների հոգեսոցիալական աջակցության ուղղությամբ: