Սոմալիում, որտեղ երկարատեւ երաշտից հետո մոլեգնել են տեղատարափ անձրեւները, ափերից դուրս են եկել գետերը, վերջին հարյուրամյակի ամենասաստիկ հեղեղումը նոյեմբերի 16-ին առնվազն 32 մարդու կյանք է խլել, հարյուր հազարավոր մարդիկ լքել են իրենց բնակավայրերը։ Իրավիճակն առանձնապես տագնապալի է դարձել Ջուբբա գետի հովտում։
Սոմալիի փոխվարչապետ Սալահ Ահմեդ Ջաման BBC-ին հայտնել է, որ վերջին օրերին շատ կարիքավորների են օգնել, սակայն իրավիճակը դուրս է եկել երկրի կառավարության հնարավորությունների սահմաններից: Դրությունը բարդանում է այն հանգամանքով, որ որոշ տուժած շրջաններ վերահսկում է ոչ թե կառավարությունը, այլ «Ալ Շաբաբ» արմատական խմբավորումը։