Դեկտեմբերի 12-ի ցերեկը, դեկտեմբերի 13-ին եւ դեկտեմբերի 14-ի գիշերը Հայաստանի առանձին շրջաններում սպասվում են տեղումներ եւ մառախուղ։ Հիդրոօդերեւութաբանության եւ մոնիտորինգի կենտրոնից հայտնել են, որ դեկտեմբերի 14-ի ցերեկը, 15-16-ին սպասվում է առանց տեղումների եղանակ: Օդի ջերմաստիճանն էապես չի փոխվի։
Դեկտեմբերի 12-13-ին Երեւանում սպասվում է կարճատեւ անձրեւ։ Առավոտյան ժամերին քաղաքի ցածրադիր գոտում մառախուղ կդիտվի։ Դեկտեմբերի 12-ին մայրաքաղաքում ցերեկային ժամերին օդի ջերմաստիճանը կտատանվի 10-12, գիշերը` 2-4 աստիճան տաքության սահմանում։
ՀՀ փրկարար ծառայությունից հայտնել են, որ Արագածոտնի մարզում «Ամբերդ» բարձրլեռնային օդերեւութաբանական կայանից Քարի լիճ տանող ավտոճանապարհը փակ է։ Վարդենյաց լեռնանցքում, Ամասիայի եւ Աշոցքի տարածաշրջաններում տեղում է ձյուն։ Սյունիքի բարձրադիր գոտիներում մառախուղ է։
Լարսը բաց է
Վրաստանի ՆԳՆ ԱԻ դեպարտամենտից եւ ՌԴ ԱԻՆ Հյուսիսային Օսիայի ճգնաժամային կառավարման կենտրոնից հայտնել են, որ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
Վարորդներին խորհուրդ է տրվում երթեւեկել բացառապես ձմեռային անվադողերով։