Լեհաստանը չեղյալ է հայտարարել ավիավթարի գործով Ռուսաստանի դեմ Մարդու իրավունքների եվրոպական դատարան ներկայացրած հայցը: Դրա մասին հունվարի 19-ին հայտարարել է Լեհաստանի արտգործնախարար Ռադոսլավ Սիկորսկին։
2010 թվականին տեղի ունեցած ավիավթարի ժամանակ մահացել է նախագահ Լեխ Կաչինսկին:
«Հայց, որը նույնիսկ տեսականորեն հաջողության շանսեր չունի, կառավարությանը եւ հարկատուներին ենթարկում է անհարկի ծախսերի»,- գրել է նա X-ում:
Վարշավան պատրաստ է միակողմանիորեն խզելու մտադրությունների համաձայնությունը այս հայցի վերաբերյալ։
Տու-154 ինքնաթիռը, որով Լեհաստանի նախագահ Լեխ Կաչինսկին եւ մի քանի տասնյակ այլ պաշտոնյաներ ու երկրի բարձրագույն ռազմական հրամանատարության ներկայացուցիչներ թռչում էին Սմոլենսկ, կործանվել է 2010 թվականի ապրիլին՝ վայրէջքի պահին։ Ինքնաթիռում գտնվող բոլորը 96 մարդիկ մահացել են։ Ըստ PolskieRadio-ի՝ ինքնաթիռի կործանման պատճառը երկու պայթյուններն էին, իսկ ողբերգությունն ինքնին «կանխամտածված գործողությունների» հետեւանք էր։
Հետաքննության ընթացքում աղետի ուսումնասիրման լեհական հանձնաժողովը եկել է այն եզրակացության, որ Տու-154-ի վրա իսկապես երկու պայթյուն է տեղի ունեցել՝ ձախ թեւի եւ օդանավի կենտրոնական հատվածում։ Այն, որ ինքնաթիռը փլուզվել է պայթյունների հետեւանքով, վկայում են տուժածների վնասվածքները եւ օդանավի վնասման բնույթը։ Բացի դրանից, ըստ հանձնաժողովի միջանկյալ զեկույցի, ինքնաթիռի բեկորների վրա հայտնաբերվել են տրոտիլի, հեքսոգենի եւ պենտրիտի հետքեր։ Ըստ Polsat News հեռուստաալիքի՝ Լեհաստանի Սեյմը ռուս քննիչներին մեղադրել է վթարի հետաքննության ընթացքում ինքնաթիռում տեղի ունեցած պայթյունի ապացույցները թաքցնելու համար: