Ավարտվել է Հայաստանի վարչապետ Նիկոլ Փաշինյանի պաշտոնական այցը Վրաստան։ Վարչապետի աշխատակազմի փոխանցմամբ՝ այսօր երեկոյան Փաշինյանը վերադարձել է Երեւան:
Այցի շրջանակում Նիկոլ Փաշինյանը հանդիպումներ է ունեցել Վրաստանի վարչապետ Իրակլի Ղարիբաշվիլիի եւ նախագահ Սալոմե Զուրաբիշվիլիի հետ:
Իրակլի Ղարիբաշվիլիի հետ բարձր մակարդակի բանակցությունների ընթացքում քննարկվել է հայ-վրացական հարաբերությունների օրակարգը։ Քննարկման առանցքային հարցերից է եղել տարածաշրջանում կայունության, խաղաղության եւ զարգացման դարաշրջան բացելու հեռանկարը։
Վարչապետի պաշտոնական այցը Վրաստան ավարտվել է Բաթում քաղաքում՝ Վրաստանի վարչապետի հետ ոչ պաշտոնական հանդիպմամբ, որի ընթացքում ՀՀ վարչապետին են ներկայացվել զբոսաշրջության զարգացմանն ուղղված ծրագրերը, ենթակառուցվածքների բարելավմանը միտված միջոցառումները։ Հայ եւ վրաց գործընկերները գոհունակություն են հայտնել բանակցությունների ընթացքից եւ պայմանավորվել շարունակել ակտիվ շփումները թե՛ պաշտոնական, թե՛ ոչ պաշտոնական ձեւաչափերով։