• Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • մեր մասին
  • գործընկերներ
  • Կապ
Aliq Media Armenia
  • Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
Տնտեսություն

Վահան Քերոբյանն ավելի լավ է ապրում

Արման Գալոյան 15:15 | 17.12.2021
Արման Գալոյան 15:15 | 17.12.2021
Vahan Kerobyan

Էկոնոմիկայի նախարար Վահան Քերոբյանը լրագրողների հետ ճեպազրույցում հերթական անգամ աչքի է ընկել իր «յուրօրինակ» հայտարարություններով: Այս անգամ նա խոսել է գնաճից՝ պնդելով, որ ժողովուրդն ավելի լավ է ապրում, քան 1-2 տարի առաջ:

«Այս տարի ունենք իրական տնտեսական աճ, այն սպասվածից շատ ավելի շատ է, եւ դա թույլ է տալիս ասել, որ մեր քաղաքացիները նույնիսկ այսքան բարձր գնաճի պարագայում ավելի լավ են ապրում, քան 1-2 տարի առաջ»,- հայտարարել է Քերոբյանը:

Փաստորեն երկրում, որտեղ անգամ պաշտոնական տվյալներով ավելացել է աղքատության մակարդակը, կառավարության ներկայացուցիչները խոսում են «լավ ապրելու» մասին: Մի բան, որն այլ կերպ, քան ցինիզմ, դժվար է որակել: Հիշեցնենք, որ 2020 թվականին նախորդ տարվա համեմատ աղքատության միջին մակարդակն ավելացել է 0.6%-ով եւ կազմել 27%, իսկ աղքատության վերին գծին հասածների թիվը պաշտոնական վիճակագրությամբ 47.6% է:

Հիմա գնաճի մասին. այստեղ աճն «աննախադեպ»-ների շարքից է: Վիճակագրական կոմիտեի տվյալներով՝ այս տարվա նոյեմբերին գնաճը կազմել է 6%, ընդ որում՝ 2021-ի ընթացքում գները բարձրացել են շարունակաբար՝ ամեն ամիս:

Մեծ գնաճ է արձանագրվել սննդամթերքի շուկայում՝ 9.2%: Թանկացել է ամեն ինչը: Հիշո՞ւմ եք՝ տարիներ առաջ ինչ աղմուկ բարձրացավ, երբ ՀՀԿ-ական պատգամավորները հայտարարեցին, թե անկախ գնաճից՝ աղքատները, միեւնույնն է, միս չեն գնելու, այլ շարունակելու են կարտոֆիլ ուտել: Հիմա պարզվում է՝ անգամ կարտոֆիլն է դարձել հարուստի ուտելիք, քանի որ դրա գնաճը շեշտակի է. պաշտոնական վիճակագրությամբ կարտոֆիլը թանկացել է 74.3%-ով: Ընդ որում՝ սննդամթերքի մեջ կարտոֆիլը միակն է, որի գնաճն այսքան շատ է:

Պաշտոնական վիճակագրության համաձայն՝ այս տարի միայն հացը թանկացել է 7.4%-ով, ալյուրը՝ 11%-ով, հացաբուլկեղենն ու ձավարեղենը՝ 8.4%-ով, բրինձը՝ 12%-ով:

Ձվի գնաճն այս տարի կազմել է 11.7%, պանրի եւ կաթնաշոռի գնաճը՝ 9.9%:

11.1%-ով աճել է կարագի, 10.3%՝ բուսական յուղերի գինը:

Բարձրացել է մսի գինը՝ 6.9%-ով, թռչնամիսը թանկացել է 3.9%-ով, ձուկը՝ ավելի քան 31-35%-ով:

20.4% գնաճ արձանագրվել է բանջարեղենի շուկայում, միայն մրգերն են էժանացել՝ 3%-ով:

Սննդամթերքից բացի թանկացել են նաեւ ոչ պարենային ապրանքները՝ շոր, կոշիկ, բենզին, լուսավորման սարքեր, կահույք, կենցաղային ապրանք: Գնաճ է գրանցվել նաեւ առողջապահական ոլորտում՝ դեղագործական ապրանքներ, բժշկական, ամբուլատոր ծառայություններ: Ցանկը կարելի է շարունակել, սակայն այսքանն էլ բավական է ընդհանուր պատկերացում կազմելու երկրի տնտեսական իրավիճակի մասին: Մանավանդ որ գնաճը «զարգանում է» բոլորիս աչքի առաջ. այդ տեմպերին ականատես ենք լինում ամեն օր՝ գնումներ կատարելիս։

Վիճակագրական կոմիտեն ներկայացրել է նաեւ բնակչության սպառողական ծախսերի կառուցվածքը, որի մեջ 2020 թվականին մեծ տեղ են զբաղեցրել սննդի վրա կատարված ծախսերը՝ 39.8%, եւ ծառայությունները՝ 31.3%: Սննդի վրա կատարված ծախսերը 2019-ի համեմատ 2020-ին նվազել են, նույնը՝ ծառայությունների ծախսերի դեպքում, փոխարենը մարդիկ սկսել են ավելի շատ ոչ պարենային ապրանքներ գնել եւ գումարը ծախսել ծխախոտի վրա։

Arman Galoyan
Արման Գալոյան

Լրագրող եմ, բանասիրական գիտությունների թեկնածու, լրագրության դասախոս: Գրում եմ քաղաքականության եւ տնտեսության մասին: Հետաքրքրություններիս շրջանակում՝ քաղաքագիտություն, փիլիսոփայություն, պատմություն: Ափսոսում եմ, որ միաժամանակ նկարչական պրոֆեսիոնալ կրթություն չեմ ստացել:

0
FacebookTwitterWhatsappTelegramEmail
նախորդը
Ալիեւն ու Օվերչուկը քննարկել են ապաշրջափակման հարցեր
հաջորդը
Կուսակցական կրքեր անկուսակցական քաղաքապետի շուրջ

խմբագրական

  • Ռուսաստանը Արցախի իշխանություններին չի տեղեկացրել Ադրբեջանի կողմից 2023...

լրահոս

  • Իսրայելն ուժով կպատասխանի, եթե Սիրիայի կառավարությունը չկանխի դրուզներ...

  • Չենք պատրաստվում աշխարհով մեկ թռչել Կիեւի եւ Մոսկվայի...

  • Թրամփը հայտարարել է, որ մայիսի 8-ը կնշվի որպես...

  • ԵՄ-ը նոր պատժամիջոցներ է պատրաստում ՌԴ-ի դեմ՝ հրադադարից...

  • Դամասկոսում դրուզների հետ բախումներից հետո Սիրիայի կառավարությունը հայտարարել...

ընտրանի

  • 1

    Ի՞նչ է Պարկինսոնի հիվանդությունը, որո՞նք են ախտանշանները

  • 2

    Կրթության նոր մեթոդներ, որոնք ձեւավորում են քննադատական ու...

  • 3

    Yandex քարտեզները՝ Երեւանի հասարակական տրանսպորտի ուղեցույց

  • 4

    2024-ի հունվարի 1-ից կենսաթոշակը նոր ձեւով կհաշվարկեն

  • 5

    Մի ընտանիքի պատմություն. Կորսված տան պատուհանները` Նորամարգում

Facebook Youtube Email Telegram

արխիվ

Դեկտեմբերի 2021
ԵԵՉՀՈւՇԿ
 12345
6789101112
13141516171819
20212223242526
2728293031 
« Նյմ   Հնվ »
Quality Sign Colored

© 2024 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա
Գաղտնիության քաղաքականություն