Վրաստանի արտգործնախարար Դավիթ Զալկալիանին Թուրքիայի արտգործնախարար Մեվլութ Չավուշօղլուի հրավերով մեկնել է Թուրքիա:
Գործընկերները քննարկել են «3+3» ձեւաչափով համագործակցությանը Վրաստանի ակտիվ մասնակցության հարցը: «3+3»-ը ենթադրում է Ռուսաստանի, Իրանի, Թուրքիայի եւ հարավկովկասյան երեք հանրապետությունների՝ Հայաստանի, Վրաստանի, Ադրբեջանի մասնակցությամբ միասնական հարթակի ստեղծում։
«Իհարկե, մենք երախտապարտ ենք Թուրքիային, որը հավատարիմ է տարածաշրջանում տեւական խաղաղություն հաստատելու ջանքերի մեջ։ Տարածաշրջանի կայունությունը մեծապես կախված է այն ծրագրերից, որոնք իրականացվելու են, եւ որոնք տնտեսապես ընդունելի կլինեն բոլոր երկրների համար, բայց այդ համագործակցությունը պետք է հիմնված լինի միջազգայնորեն ճանաչված իրավական նորմերի վրա: Առաջին հերթին նկատի ունեմ տարածքային ամբողջականությունն ու ինքնիշխանությունը: Դժվար է պատկերացնել համագործակցություն մի երկրի հետ, որը գրավել է մեր տարածքների 20 %-ը եւ, ցավոք, շարունակում է անօրինական գործողություններ իրականացնել», — հանդիպումից հետո ասել է Զալկալիանին:
Նախարարը նշել է, որ առաջին հերթին պետք է ամրապնդվեն Հարավային Կովկասի երեք երկրների (Վրաստան, Ադրբեջան, Թուրքիա) միջեւ կապերը տարբեր ոլորտներում: