ԱՄՆ Կալիֆոռնիա նահանգի Մարիպոսա շրջանի «Յոսեմիթե» ազգային պարկում կաղնու անտառներ են այրվում։ Հրդեհն ավելի քան 600 հեկտար տարածք է ընդգրկել։ Կրակը մոտեցել է բնակելի տներին։ Համացանցում տեսանյութ է հրապարակվել, որում երեւում է անտառից բարձրացող թանձր ծուխը։
Տեղական լրատվամիջոցները հայտնել են, որ Սիեռա Նեւադայի նախալեռների բնակիչներին անհապաղ տարհանելու հրաման կա։
Ավելի վաղ axios.com-ը հայտնել էր, որ ԱՄՆ 12 նահանգներում սաստիկ շոգի, չոր եղանակի եւ քամու պատճառով շուրջ 90 խոշոր հրդեհ է մոլեգնում: Դեռ նախորդ շաբաթ ԱՄՆ Ազգային օդերեւութաբանական ծառայությունը կանխատեսել է, որ Միացյալ Նահանգների հարավում գրանցված շոգը տարածվելու է դեպի հարավ-արեւելք:
Ծառայությունը վտանգի «կարմիր» մակարդակ էր հայտարարել Տեխաս նահանգում, որտեղ հրդեհներն արդեն ավելի քան 200 հեկտար տարածք են ընդգրկել:
Ավելի քան 100 միլիոն մարդ նախազգուշացում է ստացել շոգի պատճառով բարձր վտանգի մասին: Որոշ նահանգներում, սակայն, ամպրոպ, կարկուտ ու փոթորիկ կգրանցվեն: