«Վեստնիկ Կավկազա» պարբերականը, հղում անելով Ռուսաստանի ՆԳՆ-ի՝ «2020-ի հունվար-դեկտեմբերի ՌԴ միգրացիոն վիճակի առանձին ցուցանիշներ» հաշվետվությանը, գրում է, որ նախորդ տարվա ընթացքում ՌԴ անձնագիր է ստացել Հայաստանի 30538 քաղաքացի:
Այդ ցուցանիշով Հայաստանն առաջինն է Հարավային Կովկասում:
Նույն ժամանակաշրջանում ՌԴ անձնագիր են ստացել Ադրբեջանի՝ 21853, Վրաստանի 3722 քաղաքացիներ:
ՌԴ քաղաքացի են դարձել Աբխազիայի՝ 187 եւ Հարավային Օսիայի 76 բնակիչներ:
Ընդհանուր առմամբ անցյալ տարի ՌԴ քաղաքացիություն է շնորհվել 656347 մարդու: