Վանա լճի՝ տիեզերքից արված լուսանկարը NASA-ի (ԱՄՆ օդագնացության եւ տիեզերական տարածության հետազոտությունների ազգային գործակալություն) «Համաշխարհային շրջագայություն» հեռավար մրցույթի ֆավորիտների թվին է դասվել:
Մրցույթում ընդգրկվել է 20 տարվա ընթացքում Միջազգային տիեզերակայանից արված 20 լուսանկար:
Լուսանկարի հեղինակ տիեզերագնաց Քեյթ Ռուբինսը Վանա լիճը տիեզերքից լուսանկարել է 2016-ի սեպտեմբերի 12-ին:
Մրցույթում ընդգկրված մյուս լուսնկարներում պատկերված են Բոլիվիայի՝ թունդ կարմիր ջրով Կոլորադո լիճը, Բահամյան կղզիների ամպերը, Ճապոնիայի լույսերը, Ռուսաստանի հարավ-արեւմուտքում դեղնածաղկի հսկայական դաշտերը, Սինայի թերակղզին, ԱՄՆ Մեծ կանյոնը, Հիմալայները, Սահարա անապատի ամպերը, Ալյասկայի Clevlan հրաբուխը եւ այլն: