Թուրքիայի արտգործնախարար Մեւլութ Չավուշօղլուն Բրյուսելում ԱՄՆ պետքարտուղար Էնթոնի Բլինքենի հետ բանակցություններից հետո հայտարարել է, որ Անկարան մտադիր չէ հրաժարվել Ռուսաստանից գնված С-400 (S-400) զենիթահրթիռային համակարգերից:
Թուրքիայի արտգործնախարարը նշել է նաեւ, որ Անկարան պատրաստ է հետագայում Վաշինգտոնի հետ քննարկել պաշտպանական համակարգերի եւ զենքի ձեռքբերման հարցը:
Ավելի վաղ ԱՄՆ Պետդեպարտամենտի խոսնակը հայտնել էր, որ Բլինքենը Չավուշօղլուի հետ հանդիպմանը Թուրքիային կրկին հորդորել է հրաժարվել ռուսական С-400 համակարգերից: