Phys.org կայքը հրապարակել է ԱՄՆ Թեքսաս նահանգի A&M համալսարանի գիտնականների՝ SARS-CoV-2 կորոնավիրուսը մի վայրկյանում ոչնչացնող սարքի հետազոտության տվյալները։
Կորոնավիրուս պարունակող լուծույթն անցնում է մինչեւ 72°C ջերմաստիճանում տաքացվող սարքի՝ չժանգոտվող պողպատից խողովակով: Լուծույթում վիրուսի պարունակությունն այս ջերմաստիճանում նվազում է 100 հազար անգամ: Դա բավական է այն չեզոքացնելու համար։
Հետազոտողները նշում են, որ այս ջերմամշակումը հնարավոր է կիրառել գոյություն ունեցող ջեռուցման, օդափոխության եւ օդորակման համակարգերում՝ տարածքում վիրուսի չեզոքացման համար:
2019-ի դեկտեմբերի 31-ից առ այսօր աշխարհում կորոնավիորւսը խլել է ավելի քան 3,1 մլն մարդու կյանք: