Առողջապահության համաշխարհային կազմակերպությունը հորդորել է պահպանել դիմակ դնելու ռեժիմը, քանի որ կորոնավիրուսի դեմ պատվաստանյութերը պաշտպանում են հիվանդության ծանր ընթացքից, սակայն չեն կանխարգելում այն։
«Պետք է հասկանալ, որ պատվաստանյութերը հիմա, ցավոք, չեն կարող կանխել հիվանդանալը, ինչը նշանակում է, որ մարդ կարող է վարակվել: Ուստի հորդորում ենք պահպանել դիմակի ռեժիմն ու սոցիալական հեռավորությունը»,- ըստ ռուսական ՏԱՍՍ գործակալության՝ նշել է ԱՀԿ ներկայացուցիչ Մելիտա Վույնովիչը:
ԱՀԿ ներկայացուցիչն ընդգծել է, որ պատվաստված անձինք մեծամասամբ թեթեւ են տանում կորոնավիրուսի վարակը, երբեմն անգամ՝ առանց ախտանշանների: