Իրանի օդանավակայանները կառավարող ընկերության գործադիր տնօրեն Սիավաշ Ամիրմոկրիբը հայտարարել է, որ իրանական կողմը Չինաստանի եւ Ռուսաստանի հետ բանակցություններ է սկսել իր տարածքում նոր օդանավակայաններ կառուցելու համար:
Ընկերության տնօրենը նշել է, որ նախնական ուսումնասիրություններից ու բանակցություններից հետո կսկսեն քննարկել տեխնիկական հարցերն ու մանրամասները:
Ըստ Ամիրմոկրիբի՝ Պեկինի եւ Մոսկվայի հետ բանակցություններն ընթանում են առաջիկա 25 տարվա ընթացքում նոր օդանավակայաններ կառուցելու շուրջ: Նա հավելել է, որ ապագայում Իրանին հարկավոր կլինեն համաշխարհային չափանիշներին համապատասխանող միջազգային նոր օդանավակայաններ։