«Թալիբան» արմատական շարժումն Աֆղանստանում իշխանության գալուց հետո առաջին անգամ հայտարարել է երկրում ղեկավար պաշտոններում կանանց նշանակման մասին։
Աֆղանստանի ժամանակավոր կառավարության ղեկավարի հրամանով բժիշկ Մալալայ Ռահիմը նշանակվել է Քաբուլի «Մալալայ» մասնագիտացված ծննդատան տնօրեն: Ծննդատունն իր տեսակի մեջ միակ մանկաբարձական-գինեկոլոգիական հաստատությունն է երկրում:
Բարձրագույն կրթության նախարարության առաջարկությամբ եւ վարչապետի հավանությամբ բժիշկ Արիանն էլ նշանակվել է Շահրարի գինեկոլոգիական կլինիկայի տնօրեն:
Այս նշանակումներին նախորդել են արմատականների բազմաթիվ հանդիպումները մի շարք արեւմտյան երկրների եւ միջազգային կազմակերպությունների ներկայացուցիչների հետ, որոնց ժամանակ, մասնավորապես, բարձրացվել է երկրի հասարակական-քաղաքական կյանքում կանանց մասնակցության հարցը: