Ադրբեջանը մտադիր է 2023-ին մինչեւ Հայաստանի սահման ձգվող երկաթգիծ կառուցել: Ըստ ռուսական «ՌԻԱ Նովոստի» գործակալության՝ դրա մասին հայտարարել է Ադրբեջանի նախագահ Իլհամ Ալիեւը՝ Բաքվում ադրբեջանցի երիտասարդության օրվա 25-ամյակին նվիրված երիտասարդական ֆորումի իր ելույթում։
Բրյուսելում եռակողմ հանդիպման ժամանակ Ադրբեջանի նախագահ Իլհամ Ալիեւը եւ Հայաստանի վարչապետ Նիկոլ Փաշինյանը հաստատել էին երկաթուղու կառուցման մասին պայմանավորվածությունը, որը կմիացնի Հայաստանը Ռուսաստանի եւ Իրանի, իսկ Ադրբեջանը՝ Նախիջեւանի Ինքնավար Հանրապետության հետ: