Ըստ «Ազատություն» ռադիոկայանի՝ Ռուսաստանի տեղեկատվական դաշտը վերահսկող պետական մարմինը՝ «Ռոսկոմնադզոր»-ը սպառնացել է արգելափակել «Ազատություն» ռադիոկայանի ռուսական ծառայության Svoboda.org կայքը: Գլխավոր դատախազությունը պահանջել է ուկրաինական պատերազմին առնչվող մի քանի նյութեր հեռացնել։
Ռուսաստանի կառավարությունը նախօրեին զգուշացրել է «Ամերիկայի ձայն»-ին իր մտադրության մասին՝ արգելափակել «Ամերիկայի ձայն»-ի ռուսալեզու www.golosameriki.com լրատվական կայքը, եթե այն չհեռացնի Ուկրաինա Ռուսաստանի ներխուժման վերաբերյալ նյութը: Դա հիմնավորվում է նրանով, թե «Ամերիկայի ձայն»-ի կայքը «պարունակում է ահաբեկչական գործողությունների կեղծ հաղորդումներ կամ հանրային հետաքրքրություն ներկայացնող այլ ոչ հավաստի տեղեկություններ»։
«Ամերիկայի ձայն»-ի տնօրենի պաշտոնակատար Յոլանդա Լոպեսը հայտարարել է, որ ռուս ժողովուրդն արժանի է ազատ մամուլի անարգել հասանելիություն ունենալուն, հետեւաբար «Ռոսկոմնադզոր»-ի պահանջը չենք կարող կատարել: