Հայաստանի հունահռոմեական ոճի ըմբիշ Մալխաս Ամոյանը նվաճել է Բուդապեշտում ընթացող ըմբշամարտի Եվրոպայի առաջնության ոսկե մեդալը:
Մեր 77 կգ քաշային մարզիկը եզրափակիչում 4:3 հաշվով կամային հաղթանակ է տարել թուրք Յոնուս Բաշրայի նկատմամբ, թեեւ առաջին խաղափուլից հետո զիջում էր 0:3 հաշվով:
Այդպիսով, Մալխաս Ամոյանն առաջին ոսկե մեդալը բերեց Հայաստանի հավաքականին: Վաղը մեր երկու ըմբիշները կպայքարեն բրոնզի համար: