Ըստ ամերիկյան Bloomberg գործակալության՝ հեղուկացված գազի չինացի ներմուծողները մտադիր են ռուսական հեղուկացված բնական գազը (ՀԲԳ) գնելու զեղչով:
Չինաստանի խոշորագույն պետական ընկերությունները, որոնց թվում են Sinopec-ը եւ PetroChina-ն, բանակցություններ են վարում մատակարարների հետ մեծ զեղչով հեղուկացված բնական գազի կանխիկ խմբաքանակների գքման շուրջ:
Որոշ ներմուծողներ դիտարկում են ռուսաստանյան ընկերությունների օգտագործման հնարավորությունը վերջիններիս անունից ՀԲԳ-ի գնման հայտամարցույթներին մասնակցելու համար, որպեսզի այլ երկրների կառավարություններից թաքցնեն ՌԴ-ից գազի մատակարարումների իրենց ծրագրերը: Ընկերությունները մտադիր են նաեւ ձեռնպահ մնալու խոշոր գնումներից:
Գործակալության տվյալներով՝ Միջին Ասիայից մատակարարումների գների համեմատ ռուսական հեղուկացված գազը վաճառվում է 10 տոկոսով էժան:
Bloomberg-ն արձանագրել է, որ Չինաստանում ներկայում գազի պակաս չկա, ինչը պայմանավորված է տաք եղանակով, ինչպես նաեւ հնարավոր նոր հակաքովիդային միջոցների առիթով անհանգստությունների նվազմամբ:
Ցածր գնով վառելիքի ձեռքբերման շնորհիվ ՉԺՀ-ն մինչեւ գների սեզոնային բարձրացումը կլցնի երկրի գազի պահեստարանները: