Ռուսաստանի ՊՆ-ն հայտնել է միջմայրցամաքային «Սարմատ» հրթիռի հաջող փորձարկման մասին։ Հրթիռն արձակվել է Արխանգելսկի մարզի «Պլեսեցկ» տիեզերակայանից Մոսկվայի ժամանակով ժամը 15-ի սահմաններում՝ հաջողությամբ խոցելով նախանշված թիրախը, որը 5800 կիլոմետր արեւելք՝ Կամչատկա թերակղզում է։
Ռուսաստանի նախագահ Վլադիմիր Պուտինը «Սարմատ» հրթիռի հաջող փորձարկման առթիվ շնորհավորել է պաշտպանության նախարար Սերգեյ Շոյգուին։ «Սարմատը» կստիպի լավ մտածել Ռուսաստանին սպառնալ փորձելուց առաջ»,- հայտարարել է Պուտինը: