Իսպանիայի Ֆորմենտերա քաղաքում ընթացող շախմատի միջազգային մրցաշարի 6-րդ տուրում Հայաստանի շախմատիստները` Հայկ Մարտիրոսյանն ու Շանթ Սարգսյանը, վիճակահանությամբ հանդիպեցին իրար հետ: Գրանցվեց գրոսմայստերական ոչ-ոքի:
Մեր շախմատիստները վաստակել են 4,5-ական միավոր եւ շարունակում են հետապնդել առաջատարներին, որոնք այժմ երեքն են եւ ունեն 5-ական միավոր:
Այսօր նախատեսված 7-րդ տուրում Շանթ Սարգսյանը սպիտակներով կհանդիպի նրանցից մեկի` հնդիկ գրոսմայստեր Դոմառաջու Գուկեշի հետ: Հայկ Մարտիրոսյանը սեւերով կմրցի 4,5 միավոր վաստակած իսպանացի Միգել Սանթոս Ռուիսի հետ:
Շվեյցարական մրցակարգով եւ 10 տուրով անցկացվող եւ 20 հազար 500 եվրո մրցանակային ֆոնդով միջազգային մրցաշարին մասնակցում են 20 երկրների 54 շախմատիստ-շախմատիստուհի, նրանց թվում` 12 գրոսմայստեր: