Մեծ Բրիտանիայի վարչապետ Բորիս Ջոնսոնի հայտարարությունից հետո, թե ներողություն է խնդրում իր կուսակից Քրիս Փինչերի վերջին եւ անցյալ նշանակումների համար, որին երկու հարբած տղամարդկանց նկատմամբ ոտնձգությունների մեղադրանք է առաջադրվել, նրա կառավարությունը լքել են Մեծ Բրիտանիայի ֆինանսների նախարար Ռիշի Սունակը եւ առողջապահության նախարար Սաջիդ Ջավիդը։
Sky News-ին տված հարցազրույցում վարչապետը, սակայն, չի մեկնաբանել մամուլում հայտնված տեղեկությունը, թե տեղյակ է Փինչերի ոչ պատշաճ պահվածքի մասին։
Ջոնսոնի հետ կապված սկանդալի պատճառով վերջին 24 ժամում Մեծ Բրիտանիայի կառավարությունը լքել է արդեն 27 մարդ։ Հրաժարականներ են ներկայացրել նաեւ իշխող կուսակցության՝ երիտասարդության հարցերով հանձնաժողովի նախագահի տեղակալ Բիմ Աֆոլամին եւ Մարոկկոյում Մեծ Բրիտանիայի առեւտրային ներկայացուցիչ Էնդրյու Մարիսոնը։
Ըստ Daily Mail-ի՝ այժմ նույնիսկ բարձրաստիճան նախարարներն են Ջոնսոնին խնդրում ինքնակամ հրաժարական տալ: Իսկ մի շարք պահպանողական պատգամավորներ հայտարարել են վարչապետի նկատմամբ վստահությունը կորցնելու մասին։