Ֆիննական Yle հեռուստաընկերությունը հայտնել է, որ Իսլանդիան ՆԱՏՕ-ի առաջին երկրներից էր, որ վավերացրել է Ֆինլանդիայի եւ Շվեդիայի անդամակցությունը Հյուսիսատլանտյան ռազմական դաշինքին եւ վավերացման փաստաթղթերը հանձնել Վաշինգտոնում ԱՄՆ Պետդեպարտամենտին:
Հունիսին Իսլանդիայի խորհրդարանը նախապես համաձայնություն է տվել դաշինքի ընդլայնմանը: Իսլանդիայի նախագահ Գուդնի Յոհաննեսոնի ստորագրելուց հետո փաստաթուղթը ինքնաթիռով ուղարկվել է ԱՄՆ Պետդեպարտամենտին:
Ավելի վաղ Ֆինլանդիայի եւ Շվեդիայի արտգործնախարարներ Պեկկա Հաավիստոն եւ Անն Լինդը, ինչպես նաեւ ՆԱՏՕ-ի 30 երկրների դեսպանները ՆԱՏՕ-ի կենտրոնակայանում պաշտոնական արարողության ժամանակ ստորագրել են արձանագրություններ երկու սկանդինավյան երկրների՝ Հյուսիսատլանտյան դաշինքին միանալու մասին: Ֆինլանդիան եւ Շվեդիան դաշինքի անդամ կդառնան, երբ փաստաթղթերը կվավերացնեն ՆԱՏՕ-ի անդամ բոլոր 30 երկրները։