Ինդոնեզիական Բալի կղզում մեկնարկած «Մեծ քսանյակի» համաժողովի շրջանակում այսօր հանդիպել են Ռուսաստանի արտգործնախարար Սերգեյ Լավրովը եւ Թուրքիայի արտգործնախարար Մեւլութ Չավուշօղլուն։ Քննարկվել են միջազգային եւ տարածաշրջանային օրակարգին վերաբերող մի շարք հարցեր, մասնավորապես ուկրաինական զարգացումներին առնչվող։
ՌԴ ԱԳՆ-ից հայտնել են, որ հանդիպման ընթացքում վերահաստատվել է Ռուսաստանի սկզբունքային դիրքորոշումը, ըստ որի` Արեւմուտքի կողմից Կիեւի վարչակազմի միլիտարիստական հավակնություններին հետագա աջակցությունն անթույլատրելի է։
Ըստ Թուրքիայի ԱԳՆ-ի՝ Լավրովն ու Չավուշօղլուն քննարկել են նաեւ աշխարհում պարենային անվտանգության ապահովմանը վերաբերող հարցերն ու իրավիճակը Սիրիայում։