Պրոֆեսիոնալ բռնցքամարտի համահայկական ֆեդերացիայից հայտնել են, որ Լեհաստանի Բիտոմ քաղաքում ընթացող բռնցքամարտի միջազգային մրցաշարում Հայաստանի 3 ներկայացուցիչները մեծահասակների պայքարում դարձել են ոսկե մեդալակիր։
Իրենց քաշային կարգերում հավասարը չունեին 63,5 կգ քաշային Հրայր Շահվերդյանը, 67 կգ քաշային Արմեն Մաշակարյանն ու 86 կգ քաշային Գոռ Խանգալյանը: Պատանիների ու երիտասարդների մրցաշարում հանդես կգան նաեւ 54 կգ քաշային Հայկ Սուքիասյանն ու 75 կգ քաշային Արտակ Գրիգորյանը:
Հայ բռնցքամարտիկները հանդես են գալիս ՊԲՀՖ փոխնախագահ Արթուր Կրիկյանի ու մարզիչ Հայկ Սեդրակյանի գլխավորությամբ:
Դանիելյանը Եվրոպայի ակումբային չեմպիոն ավստրիական թիմի կազմում
Ավստրիայում անցկացվող առաջնությունում շախմատի կանանց Հայաստանի հավաքականի առաջատար Էլինա Դանիելյանն ավստրիական ASVOe Pamhagen թիմի կազմում նվաճել է Եվրոպայի ակումբային չեմպիոնի տիտղոսը։
Եվրոպայի անհատական չեմպիոնի ակումբակիցներն էին ուկրաինացիներ Աննա Ուշենինան, Յուլյա Օսմակը և լեհ Ալեքսանդրա Մալցեւսկայան։