Առողջապահության նախարարությունից հայտնել են, որ դեկտեմբերի 5-11-ը Հայաստանում գրանցվել է կորոնավիրուսային հիվանդության 53 նոր դեպք, կատարվել է 2930 թեստավորում: Առողջացել է 89 խնամյալ, մահվան դեպք չի գրանցվել:
Այսպիսով՝ հաստատվել է կորոնավիրուսային հիվանդության ընդհանուր 445 հազար 881 դեպք, որոնցից 435 հազար 60-ը՝ առողջացած: Փաստացի բուժում է ստանում 247 խնամյալ:
Ընդհանուր առմամբ, կորոնավիրուսը Հայաստանում խլել է 8712 մարդու կյանք:
Ընդհանուր կատարվել է 3 միլիոն 240 հազար 491 թեստավորում:
Առողջապահության նախարարությունից հայտնել են նաեւ, որ դեկտեմբերի 11-ի դրությամբ ՀՀ-ում կատարվել է 2 միլիոն 276 հազար 783 պատվաստում, առաջին չափաքանակով պատվաստվել է 1 միլիոն 155 հազար 521, երկրորդ՝ ամբողջական չափաքանակով պատվաստվել է 1 միլիոն 30 հազար 687 մարդ:
Երրորդ՝ խթանիչ բուստեր չափաքանակով պատվաստվել է 84 հազար 450 մարդ: