Մինսկի Լենինյան շրջանի դատարանը մարտի 3-ին Նոբելյան մրցանակի դափնեկիր, «Վեսնա» չգրանցված իրավապաշտպան կենտրոնի ղեկավար Ալես Բելյացկիին մեղավոր է ճանաչել նրան մեղսագրվող հանցագործությունների համար եւ դատապարտել 10 տարվա ազատազրկման:
Բելյացկիի հետ այդ գործով անցնող «Վեսնա» կենտրոնի ներկայացուցիչներ Վալենտին Ստեֆանովիչը եւ Վլադիմիր Լաբկովիչը դատապարտվել են համապատասխանաբար ինը եւ յոթ տարվա ազատազրկման։ Բելառուսից հեռացած Դմիտրի Սոլովյովը, որի գործը քննվել է հատուկ վարույթում, դատապարտվել է ութ տարվա ազատազրկման:
Ալես Բելյացկին խաղաղության Նոբելյան մրցանակի է արժանացել («Մեմորիալ» կազմակերպության եւ Քաղաքացիական ազատությունների կենտրոնի հետ մեկտեղ) 2022-ին: Նա նաեւ արժանացել է արտասահմանյան մի շարք պատվավոր կոչումների եւ մրցանակների, դրանց թվում՝ 2012-ին՝ Փարիզի պատվավոր քաղաքացի կոչմանը, 2014-ին՝ Շվեդիայի իրավապաշպան կազմակերպության «Տարվա քաղաքացիական իրավունքների պաշտպան» մրցանակին, 2020-ին՝ «Սախարովի անվան մրցանակին» եւ բազմաթիվ այլ մրցանակների ու կոչումների: