ՌԴ Կարմիր խաչը սեպտեմբերի 9-ին սննդամթերք տեղափոխող բեռնատար է ուղարկել Ադրբեջանի վերահսկողության տակ անցած Ակնայի (Աղդամի) ճանապարհով։ Տեղեկությունը տարածել է Ադրբեջանի Կարմիր մահիկը։
Նշվում է, որ օգնությունը նախաձեռնել է Ռուսաստանի կառավարությունը՝ Լեռնային Ղարաբաղի բնակիչների կարիքները բավարարելու նպատակով: 14:30-ին պարենային եւ ոչ պարենային ապրանքներով բեռնված բեռնատարը հատել է «Սամուր» անցակետը:
Ավելի ուշ Արցախի տեղեկատվական շտաբից հայտնեցին, որ Արցախի իշխանությունները, «ելնելով Ադրբեջանի կողմից իրականացվող լիակատար շրջափակման հետեւանքով առաջացած սուր հումանիտար խնդիրները մեղմելու անհրաժեշտությունից», որոշել են թույլ տալ Ասկերան քաղաքով ռուսական բեռների մուտքը հանրապետություն: Նշվում է, որ միաժամանակ ձեռք բերված պայմանավորվածությամբ՝ Լաչինի միջանցքով ռուս խաղաղապահների ու Կարմիր խաչի միջազգային կոմիտեի հումանիտար բեռնափոխադրումները վերականգնվելու են:
 ԿԱՐԴԱՑԵՔ ՆԱԵՎՍողացող նեոնիկոլիզմ։ Ի՞նչ է կատարվում Արցախում |