«ՀԱՄԱՍ-ը չի պաշտպանում Պաղեստինի ժողովրդի արժանապատիվ եւ ինքնորոշման իրավունքը»,- հայտարարել է ԱՄՆ նախագահը Իսրայելում եւ Գազայի հատվածում տիրող իրավիճակի վերաբերյալ իր ելույթում։
«Նրանց նպատակը Իսրայելի պետության ոչնչացումն է եւ հրեաների սպանությունը»,- ընդգծել է Բայդենը։ ԱՄՆ նախագահը նշել է, որ զինյալներն օգտագործում են պաղեստինցի խաղաղ բնակիչներին որպես կենդանի վահան: «ՀԱՄԱՍ-ը սարսափից եւ արյունահեղությունից բացի ոչինչ չի առաջարկում՝ անկախ նրանից, թե ով է այդ գինը վճարելու»,- հավելել է նա: