Հայաստանի եւ Ադրբեջանի միջեւ խաղաղության պայմանագրի ստորագրման ժամկետները կախված են կողմերից: Դրա մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Երեւանի եւ Բաքվի համատեղ հայտարարությունը։ ՌԴ արտաքին քաղաքական գերչատեսչության ներկայացուցիչը ողջունել է հարաբերությունները կարգավորելու եւ խաղաղության պայմանագիր կնքելու վերաբերյալ Բաքվի եւ Երեւանի փոխադարձ համաձայնությունը։
«Ողջունում ենք նրանց համաձայնությունը ռազմագերիներին «բոլորը բոլորի դիմաց» բանաձեւով փոխանակելու վերաբերյալ, ինչը նպաստում է վստահության փոխադարձ ամրապնդմանը, բացում է լրացուցիչ հաշտեցման հնարավորություններ Ռուսաստանի, Ադրբեջանի եւ Հայաստանի ղեկավարների պայմանավորվածություններին համապատասխան, որոնք կնքվել են 2020-2022 թվականներին»,- ասել է ՌԴ ԱԳՆ խոսնակը։
Զախարովան հավելել է, որ Մոսկվան իր հերթին պատրաստ է շարունակելու աջակցել իր գործընկերներին հավասարակշռված համաձայնագրի մշակման հարցում։ Նման փաստաթուղթը կոչված է վստահելի հիմքեր ստեղծել տարածաշրջանում խաղաղության եւ կայունության համար։