ՌԴ Պետդումայի միջազգային հարցերով հանձնաժողովի փոխնախագահ Սվետլանա Ժուրովան անդրադարձել է Նիկոլ Փաշինյանի երեկվա հայտարարությանը, ըստ որի, Հայաստանն այլեւս չի կարող զարգացնել իր ռազմատեխնիկական ներուժը Ռուսաստանի հետ համագործակցելով:
«Դրանք միայն բառեր են»,-ասել է Ժուրովան: Նա նաեւ ավելացրել է, որ ավելի վաղ Հայաստանը Ռուսաստանի հետ համագործակցում էր, քանի որ դա Հայաստանին պաշտպանվել էր պետք:
«Ըստ երեւույթին նրանք (հայերը-խմբ.) կարծում են, որ այդ պաշտպանությունն իրենց պետք չէ: Իբր թե բոլորըն էլ զինված են եւ ոչ մեկը մյուսի վրա չի հարձակվելու: Փաստորեն Հայաստանը կարծում է, որ իրեն այլեւս ոչինչ չի սպառնում եւ իրենք ինքնուրույն գլուխ կհանեն: Կամ ինչ-որ մեկը նրանց այլ բան է խոստացել»,-ասել է Սվետլանա Ժուրովան:
Նա չի բացառել, որ Հայաստանն այդպիսի հայտարարություն է արել հենց Արեւմուտքի համար Ռուսաստանի պատժամիջոցների տակ գտնվելն ու ծանր դրությունը հաշվի առնելով:
«Հենց այդ ամենը վերջանա, Հայաստանը կվերադառնա մեզ մոտ ռազմական համագործակցության խնդրանքով»,-եզրակացրել է Ժուրովան «Lenta.ru»-ի հետ հարցազրույցում: