2013 թվականի փետրվարի 2-ին մահափորձի հետեւանքով վիրավորված նախագահի թեկնածու Պարույր Հայրիկյանը դեռ չի տեսնում անհրաժեշտություն հետաձգելու ՀՀ նախագահի ընտրությունները. «Ես ընտրությունները հետաձգելու իրավունք ունեմ: Իմ կյանքում առաջին դեպքն է, երբ ինձանից է կախված` ընտրությունները հետաձգե՞լ, թե՞` ոչ»։
ՀԱԿ պատգամավոր Հրանտ Բագրատյանին կարգին հոգնեցրել է ՀՀ Ազգային վիճակագրական ծառայության պետ Ստեփան Մնացականյանը, որը գրում է, թե 2013-ի դեկտեմբերին գյուղատնտեսական ապրանքների վաճառքի 13 տոկոս աճ է գրանցվել 2012-ի դեկտեմբերի համեմատ: «Հիշենք դեկտեմբերյան ցրտերը Արարատյան դաշտում, հիշենք որ 2013-ին 42000 ուտող բերան պակաս ենք ունեցել: Արդեն ասել եմ նախագահին, սրան մի հատ գեներալի կոչում տվեք, էլի։ Չ՞եք ուզում միշտ երաշխավորված հաղթանակ ունենալ»,-գրում է Հրանտ Բագրատյանը:
Ընդդեմ Սերժ Սարգսյանի ռեժիմի Երեւանից ԼՂ շարժվող «Հիմնադիր խորհրդարանի» անդամների մուտքը Լաչինում ծեծուջարդով արգելելու փաստը յուրովի են մեկնաբանում ՀՀ ԱԺ-ում: «Կարող է մուտիլովչիկներին չթողնեն, բայց քաղաքացիներին թողնում են»,-ասում է ՀՀԿ-ական պատգամավոր, գեներալ Մանվել Գրիգորյանը:
Սերժ Սարգսյանի եղբայր Լեւոն Սարգսյանը համոզված է, որ պաշտոնավարման երկրորդ ժամկետից հետո էլ Սերժ Սարգսյանը կմնա Հայաստանում որոշում կայացնողների թվում. «Ես ինչքան գիտեմ՝ ինքը բազմիցս է հայտարարել, որ ինքը ոչ մի պաշտոն չի զբաղեցնելու»։
ԲՀԿ-ական պատգամավոր Մարտուն Գրիգորյանը հայտարարում է, որ ԱԺ առաջիկա ընտրություններին մասնակցելու է ՀՀԿ ցուցակով այն պատճառով, որ չի ուզում լինել ԲՀԿ նախընտրական ցուցակում, որտեղ կա Գյումրիի նախկին քաղաքապետ Վարդան Ղուկասյանը: «Աստված իրեն թող լավը տա, բարին տա, իմաստնություն տա, խելք ու շնորհք տա: Մեծանա՝ կհասկանա»,-անմիջապես արձագանքում է Գյումրիի նախկին քաղաքապետը:
ՀՀ ԱԳ նախարար Էդվարդ նալբանդյանը Թուրքիային թելադրում է, թե նա ինչ պետք է անի Հայոց Ցեղասպանությունը ժխտելու փոխարեն. «Անկարան պետք է հրաժարվի իր ժխտողական քաղաքականության վտանգավոր պոպուլիզմից»։
«Իմ քայլը» խմբակցությունն ակնարկում է, որ ինչ անում է, ժողովրդի համար է անում, նույնիսկ շաբաթ եւ կիրակի օրերին: «2018 թվականի մայիսից չկա, էսպես ասած, մեզ համար ոչ աշխատանքային օր։ Եթե կարիք կա աշխատելու շաբաթ կամ կիրակի օրերին, ապա աշխատում ենք»,-ասում է խմբակցության ղեկավար Լիլիթ Մակունցը:
ԱԺ փոխխոսնակ Ալեն Սիմոնյանն ստիպված է պարզաբանել, որ մինչեւ իրենց իշխանության գալը Հայաստանում «լավ տղեն» նա էր, ով ոչ թե աշխատում էր, այլ փողի ճար էր անում, ով ոչ թե սովորում էր, այլ՝ պպզում բակում. «Սա հիշենք եւ ամեն օր ամեն բան անենք, որ հզորանա մեր բոլորի Հայաստանը, այլ ոչ թե՝ այդ տարածքում լյուկի վրա պպզող խուժանը: Մենք միասին կարող ենք դեռ շատ դժբախտություններ կանխել»։
ՀԱՊԿ նախկին գլխավոր քարտուղար Յուրի Խաչատուրովը Ռոբերտ Քոչարյանի եւ մյուսների գործով դատավարությանը դիմում է դատավոր Աննա Դանիբեկյանին եւ ասում, որ չվախենա ինքնաբացարկից: Եթե այդ դեպքում դատախազությունը գործ հարուցի Դանիբեկյանի դեմ, Խաչատուրովը խոստանում է իր փաստաբանին խնդրել ներկայացնել նաեւ Աննա Դանիբեկյանի շահերը. «Դուք գեղեցիկ, երիտասարդ կին եք, մի քիչ մտածեք ձեր ապագայի մասին, առողջ եղեք»։
Հայաստանում ուզում են կյանքի կոչել դիակիզարաններ: «Երեւանում հուղարկավորության տեղ չկա, գնալով սպառվում է»,-ասում է Համայնքապատկան ՀՈԱԿ-ի նախկին ղեկավար Արման Իսկանդարյանը, որը քաղաքապետարանի այս նախաձեռնության խորհրդատուն է:
Մոսկվան երկու շաբաթվա ընթացքում երկրորդ անգամ հայտարարում է, որ ՀԱՊԿ-ը պատրաստ է խաղաղապահ առաքելություն տեղակայել Հայաստանում: Երեւանը մի անգամ արդեն պատասխանել է՝ ՀԱՊԿ-֊ի պարտավորությունների կատարման ժամը հնչել է, քանի որ այդ կառույցը քաղաքական գնահատական չի տվել ՀՀ տարածքների հանդեպ Ադրբեջանի ագրեսիային: «Երեւանի ցանկության դեպքում նաեւ ՀԱՊԿ առաքելությունը կարող է գործուղվել մեկ կամ երկու օրվա ընթացքում»,-իրենն է պնդում ՌԴ արտգործնախարար Սերգեյ Լավրովը:
Ժամանակի ընթացքում հասկանում ես, որ Աստված քեզ ստեղծել է այնպիսին, որ ինքը լինի: Ճիշտ այդպես նա ստեղծել է փողոցային շանը: Երբ դու կերակրում ես նրան, Աստված կա, երբ չես կերակրում, չկա, հասկանում ես, որ մարմինն արդեն իսկ հնարավորություն է, երկրորդ այդպիսի հնարավորություն չի լինելու: