Մոսկվայում ԱՊՀ անդամ պետությունների զինված ուժերի շտաբների պետերի կոմիտեի նիստից հետո, որին մասնակցել է նաեւ Հայաստանը, որոշումներ են ստորագրվել, որոնք ուղղված են ռազմական ոլորտում բազմակողմ համագործակցության համակարգի զարգացմանը։ Ռուսական TACC-ի փոխանցմամբ այս մասին հայտնել են Ռուսաստանի պաշտպանության նախարարությունից։
Լրատվականը նշում է, որ մասնակիցները վերլուծեցին աշխարհում եւ ԱՊՀ անդամ պետությունների սահմաններին տիրող ռազմաքաղաքական իրավիճակը, գնահատել անվտանգությանը սպառնացող ժամանակակից մարտահրավերներն ու սպառնալիքները՝ հատուկ ուշադրություն դարձնելով տարածաշրջանային կայունությանը եւ պետությունների ազգային անվտանգությանը։
Ըստ հաղորդագրության ԱՊՀ պետությունների ղեկավարների խորհրդը մինչեւ 2025 թվականը անդամ պետությունների ռազմական համագործակցության հայեցակարգում սահմանված պահանջներին համաձայն, հատուկ ուշադրություն է դարձրել ԱՊՀ դինամիկային, հեռանկարներին, համատեղ կապի եւ հակաօդային պաշտպանության միասնական համակարգի մշակմանը։
TACC-ի փոխանցմամբ՝ նիստին, որը գլխավորել է ՌԴ ԶՈՒ գլխավոր շտաբի պետ Վալերի Գերասիմովը, Հայաստանից մասնակցել է ՀՀ ՊՆ խաղաղապահ ուժերի բրիգադի հրամանատար Արտակ Տոնոյանը, իսկ Ադրբեջանից՝ այդ երկրի բանակի Գլխավոր շտաբի պետ Քերիմ Վելիեւը։